 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
На стыку двух тысячагодзьдзяў
Чыноўных душ слабее стык.
А дзе душа з душой ня ў згодзе –
Шмат дзей нікчэмных і пустых.
Таму якісь мудрэц-мінчанін
Пытаньне вынес на Савет:
"Якім павінен быць начальнік,
Пераваліўшы ў новы век?".
Начальнік – мудрым быць павінен.
А гэта значыць – хітрым быць:
Лямантаваць пра сьверб на сьпіне,
Часаць жа тое, што сьвярбіць.
Павінен быць дэмакратычным –
Каб "мужыкі" аб ім наўсьцяж
Крычалі крыкам закадычным:
"У дошку свой! У сьцельку наш!"
Павінен быць адукаваным:
Кампутар знаць і Інтэрнет,
Ня блытаць Лібію зь Ліванам,
Тым больш – санату і санэт.
Яшчэ павінен быць культурным:
Ня ўсякі сказ пускаць у ход,
І калі трэба гаркнуць: "Дурні!" –
Дык не часьцей, як раз у год.
Ну, а галоўнае, канечне,
Што ён павінен знаць і ўмець –
Як крымінал, з усіх страшнейшы,
Біць беларушчыну насьмерць:
Глушыць, таптаць, драпежыць мову,
Сьляды гісторыі сьціраць,
Сам дух "тутэйшых" выкарчоўваць,
І з душ, і з сэрцаў выдзіраць.
Адно тады спакойна ўвойдзе
І важны чын, і дробны клерк
У трэйцяе тысячагодзьдзе,
У новы, дваццаць першы, век.
1999, верасень.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
